الصوت بـ٥٠ جنيهاً فى مصر القديمة والمنيل والناخبون انتظروا ارتفاع السعر

كتب ياسمين القاضى ٢٩/ ١١/ ٢٠١٠

تأخر بدء التصويت فى المنيل ومصر القديمة حتى الثامنة و٥٥ دقيقة، بحجة تأخر الموظفين الذين وصلوا فى الثامنة والنصف، وفى الدائرتين وقعت العديد من المشاجرات بين الأهالى والمندوبين بسبب الخلاف على سعر الصوت الذى وصل فى كل من الدائرتين إلى ٥٠ جنيهاً، لكن عدداً كبيراً من الناخبين فضلوا الانتظار إلى نهاية اليوم حتى يرتفع سعر الصوت. تسمى دائرتا مصر القديمة والمنيل بـ«دائرتى الأصوات» لأن المنطقتين فيهما أكبر عدد من العشوائيات منها «عزبة أبوقرن» و«اسطبل عنتر» و«بطن البقرة»، فمثلاً فى بطن البقرة أكد مصدر، طلب عدم ذكر اسمه، أن المنطقة فيها ٣٥٠٠ أسرة تهافت عليهم المرشحون قبل الانتخابات لشراء أصواتهم. عفاف عبدالمنعم إبراهيم، ناخبة من كوم غراب فى مصر القديمة، قالت: «أنا تبع المرشح تيسير مطر لكن لا عمرى شفته ولا أعرفه ولا طلبت منه خدمة وكل الحكاية إنهم إدونى ٥٠ جنيه يعنى لقمة عيش كويسة عشان كده نزلت من البيت لأن أنا وعيالى اللى بنام على البلاط أولى بيها». وقالت سميرة محمود من المنطقة نفسها: «إننا لا نعرف المرشحين ولكننا نعرف مندوبيهم اللى بيدفعوا فلوس».