مطرب الحمار يرشح نفسه للرئاسه

مقالات القراء

الخبر منشور على الصفحه الرئيسيه لموقع مصراوى

انا ماجبتش حاجه من عندى

لكن السؤال اللى واجعنى اوى يا جماعه

هو ايه اللى بيحصل فى البلد اليومين دول ده كله

كل شويه يطلع واحد اسف فى اللفظ مالوش لازمه

ويعلن عن انه يفكر جديا للترشح للرئاسه رئاسه ايه

اللى يقصدوها ..... احنا بنتكلم فى رئاسة مصر

ايوه مصر ... مصر ام الدنيا ... مصر حضارة 7 الاف سنه

وبعد ده كله يطلع مطرب الحمار ويقول انه سوف يرشح نفسه

هى مصر صغرت ولا اتبهدلت ولا قيمتها قلت يا ولاد

انا حزنت لما قرأت الخبر على مصراوى واتقدت فى البدايه انها

مقدمه لفيلم سينمائى يقوم فيه هذا المطرب بدور مرشح

واكيد الفيلم ده حيسقط

لكن مطرب مع احترامى الكامل لكل المطربين طبعا كلهم ناس

محترمين ولكن مطرب غنى للحمار ورقص وهز مؤخرته ولا اجدع

رقاصه فى شارع الهرم ويقولى بأفكر ارشح نفسى ايييييييييييه

ناقصه هى .... ده احمد عز الطبال نهب البلد ورجعها عشرين سنه

شوف انت مطرب شغال معاه عشر طبالين ممكن يعمل ايه

نفسى اقول بلاش نشر الاخبار المستفزه واالى مالهاش لزمه

الا فعلا لو عملها ورشح نفسه .... ده تبقى مصيبه

والمصيبه الاكبر لو اخذ اصوات

ساعتها بقى نلم عيالنا ونهاجر ونروح كوالالمبور

المصدر: اشرف العربى